Z 8 pa 14 červienia ŭ Minsku projdzie tydzień biełaruskaj kuchni, paviedamili ŭ hałoŭnym upraŭleńni spažyvieckaha rynku Minharvykankama. 

U mierapryjemstvie voźmuć udzieł pryblizna 100 abjektaŭ hramadskaha charčavańnia. 

U pieralik straŭ, jakija buduć prapanavanyja ŭ miežach tydnia biełaruskaj kuchni, uvajšli: zakuska z kurycy ź viandlinaj i zialonym haroškam (košt — 50.000 rubloŭ); sup chałodny sa ščaŭja sa śmiatanaj i maładoj bulbaj (25.000 rubloŭ); ryba na taplonym maśle z zapiečanaj bulbaj (70.000 rubloŭ); kałduny ź miasam (50.000 rubloŭ); chruščy tvarožnyja ź miodam (35.000 rubloŭ); žuravinavy mors (10.000 rubloŭ). 

Va ŭpraŭleńni nahadali, što tydni biełaruskaj kuchni prachodziać u Minsku pavodle praviła — adzinaja receptura, technałohija i košt niezaležna ad typu i kłasa abjekta. Šeść takich tydniaŭ prajšli ŭ vieraśni i śniežni 2013 hoda, u lutym—sakaviku, žniŭni i listapadzie 2014 hoda, u lutym 2015-ha.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?