Admoŭnaje salda źniešniaha handlu tavarami Biełarusi za studzień—krasavik 2015 hoda skłała 934,7 młn. dołaraŭ ZŠA. U studzieni—krasaviku 2014 hoda salda taksama było admoŭnym — 604,5 młn. dołaraŭ.

Jak paviedamili ŭ Nacyjanalnym statystyčnym kamitecie, źniešniehandlovy abarot tavarami za studzień—krasavik 2015 hoda skłaŭ 17 młrd. 934,7 młn. dołaraŭ, na 28,4% mienš, čym u studzieni—krasaviku 2014-ha. Ekspart u paraŭnańni z anałahičnym pieryjadam 2014 hoda skaraciŭsia na 30,5% (da 8 młrd. 500 młn. dołaraŭ), impart — na 26,5% (da 9 młrd. 434,7 młn. dołaraŭ). 

Ekspart tavaraŭ u krainy SND u studzieni—krasaviku 2015 hoda pamienšyŭsia na 39,6% (da 4 młrd. 87,5 młn. dołaraŭ), impart — na 26,3% (5 młrd. 809,6 młn. dołaraŭ). Ahulny tavaraabarot z krainami SND skaraciŭsia na 32,4% (da 9 młrd. 897,1 młn. dołaraŭ). Admoŭnaje salda ŭ handli z krainami SND skłała 1 młrd. 722,1 młn. dołaraŭ. U studzieni—krasaviku 2014 hoda admoŭnaje salda z SND składała 1 młrd. 110,9 młn. dołaraŭ. 

Ekspart tavaraŭ u Rasiju za čatyry miesiacy hetaha hoda źniziŭsia na 37,5% i skłaŭ 3 młrd. 98,5 młn. dołaraŭ, impart — na 23,7% da 5 młrd. 482,3 młn. Salda, jak i ŭ studzieni—krasaviku 2014 hoda, było admoŭnym (2 młrd. 383,8 młn. i 2 młrd. 222,7 młn. dołaraŭ adpaviedna). Ahulny tavaraabarot z Rasijaj aceńvajecca Biełstatam u 8 młrd. 580,8 młn. dołaraŭ (na 29,3% mienš). 

Ekspart u krainy Jeŭrapiejskaha sajuza źniziŭsia na 23,6% da 3 młrd. 140 młn. dołaraŭ, impart — na 38,2% da 1 młrd. 791,9 młn. dołaraŭ. Tavaraabarot źniziŭsia na 29,7% da 4 młrd. 931,9 młn. 

Salda handlu tavarami z krainami ES u studzieni—krasaviku 2015 hoda stanoŭčaje — 1 młrd. 348,1 młn. dołaraŭ (u studzieni—krasaviku 2014-ha — 1 młrd. 211,3 młn.).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?