Prezident Ukrainy Piatro Parašenka źviarnuŭsia da ŭrada z prośbaj razhledzieć mahčymaść indeksacyi sacvypłat. Pra heta jon zajaviŭ, vystupajučy z trybuny Viarchoŭnaj Rady sa zvarotam da deputataŭ.
«Jość padstavy spadziavacca, što ŭ ekanomicy my pieražyli samaje horšaje. Ja malusia, kab hety hod byŭ samym ciažkim, i na našu ziamlu pryjšoŭ mir i ekanamičny rost», — skazaŭ Parašenka.
Pavodle jaho słoŭ, z nastupnaha hoda pavinny pačacca pieryjad paślavajennaha adnaŭleńnia krainy.
«Prasiŭ by ŭrad paskoryć choć by na niekalki miesiacaŭ pazicyi razhladu inflacyi i mahčymaj indeksacyi zarobkaŭ i piensij. Ale rabić heta treba aściarožna», — adznačyŭ jon.
Pry hetym Parašenka dadaŭ, što častku dachodaŭ pryjdziecca adpraŭlać na abaronu.
Jon pierakanany, što varta spynić naličeńnie lubych śpiecpiensij
Taksama Parašenka zaklikaŭ Radu pryniać jak maha chutčej zakon ab adzinych pryncypach naličeńnia piensij. «Toje, čaho nie rabiłasia 23 hadoŭ», - adznačyŭ jon.
«Treba dać ludziam skarystacca mahčymaściu nazapašvalnaj piensijnaj sistemaj, a pa ich žadańni, i pasłuhami niedziaržaŭnych piensijnych fondaŭ», — zajaviŭ jon.