Tut i nižej fota ekśpiedycyi Sary Vudfin
Daśledčyca z univiersiteta Uschodniaj Anhlii Sara Vudfin arhanizavała trochmiesiačnuju ekśpiedycyju ŭ Vjetnam, kab znajści Anamckaha pałasataha zajca (Nesolagus timminsi). Ale najradziejšy zajac pryjšoŭ niečakana, piša Daily Hype.
Chacia navukoŭcy nie raźličvali pabačyć zajca padčas ekśpiedycyi, Vudfin trymała jaho na rukach užo ŭ pieršy ž viečar.
Na pieršy dzień ekśpiedycyi jana zastała redkuju žyviołu za pajadańniem raślin na bierazie raki. Čalcy ekśpiedycyi złavili žyviołu i prynieśli ŭ łahier, dzie navukoŭcy zrabili zamiery i zdymki.
«Ničoha nie viadoma pra Anamckaha pałasataha zajca, absalutna začaroŭvaje dumka pra toje, što niešta, što ja adkryju, budzie novym, — kaža Vudfin. — Jon vielmi adroźnivajecca hienietyčna ad inšych zajcoŭ».
Z novaj infarmacyjaj pra žyviołu Vudfin płanuje zmadelavać raźmiaščeńnie papulacyi ŭ Łaosie i Vjetnamie, što dapamoža ŭ zachavańni redkaha vidu. Anamckim pałasatym zajcam pahražaje vysiečka lasoŭ i palavańnie.
Anamcki pałasaty zajac byŭ adkryty doktaram Dyjanaj Beł z univiersiteta Uschodniaj Anhlii ŭ 1999 hodzie. Dahetul było viadomaje tolki adno fota vidu. Vudfin — pieršy daśledčyk, chto trymaŭ hetaha zajca na rukach.