Fota: B J Jank, Ott Laboratory
Navukoŭcy pad kiraŭnictvam Charalda Ota z ahulnaha špitala Masačusetsa (miedycynskaja škoła Harvarda) vyraścili kancavinu pacuka z vykarystańniem žyvych kletak, piša NewScientist.
Miakkija tkanki miortvaha donara byli «vymytyja», a kletki recypijenta paśpiachova zaniali ich miesca, u bijareaktary pačaŭsia rost novych miakkich tkanak. Taki bijapratez arhanizm nie musić adrynać.
Dla stvareńnia bijaprateza navukoŭcy ŭziali łapku myšy-donara i prybrali ŭsio, što arhanizm recypijenta moža ŭspryniać jak čužarodnaje. Na kancavinie zastalisia sasudy, suchažylli, ciahlicy i kostki, na jakich byli «naroščanyja» kletki recypijenta.
Daśledčyki spačatku pasprabavali prastymulavać naroščanyja tkanki elektryčnym tokam — vynik byŭ stanoŭčy, łapka ruchałasia jak žyvaja. Zatym pacukam pad narkozam «padklučyli» bijapratez — kroŭ narmalna cyrkulavała pa sasudach.
Ludziam paśpiachova pravodzicca pierasadka ruk, ale recypijentam prychodzicca da kanca žyćcia prymać imunasupresiŭnyja leki, kab arhanizm nie adchilaŭ čužarodnyja tkanki.
Pakul testaŭ na pryniaćcie ci niepryniaćcie prateza arhanizmam myšy nie pravodziłasia. Nieviadoma, nakolki paśpiachova ŭ bijapratezie budzie raźvivacca niervovaja sistema. Spačatku myšam treba zraścić kostki, suchažylli i astatnija tkanki.
Ale navukoŭcy ŭžo prademanstravali «ačystku ad lišniaha» łapy prymata. Heta moža być pieršym krokam doŭhaj darohi da čałaviečych bijapratezaŭ.
