Słužba biaśpieki Ukrainy sarvała sprobu rasijskich śpiecsłužbaŭ stvaryć u Mikałajeŭskaj vobłaści fejkavuju antyŭkrainskuju «respubliku». Ideołahi psieŭdarespubliki mieli metaj prademanstravać nibyta padtrymku ŭ paŭdniovym rehijonie terarystyčnych arhanizacyj «ŁNR» i «DNR».
Pa padazreńni ŭ ździajśnieńni złačynstva pa č2. art 110 KK (Zamach na terytaryjalnuju cełasnaść i niedatykalnaść Ukrainy) zatrymana 52 čałavieki.
Arhanizatary schodu — kaardynatar «Narodnaj rady Biesarabii» Šapašnikava i žurnalist «Padrabiaznaści Mk» Vasilkievič. Jany źbiralisia ŭ mikałajeŭskaj piceryi xlpizza.
Vasilkieviču mohuć abviaścić padazreńnie pa 263 art KK (Niezakonnaje abychodžańnie sa zbrojaj, bojeprypasami abo vybuchovymi rečyvami). Krynicy paviedamlajuć, što pry vobšuku jaho kvatery była znojdziena hranata f1 z zapałam.
Fejkavaja «respublika», pa ich zadumie, pavinna była stvaryć nieabchodnuju prapahandysckuju «karcinku» dla rasijskich ŚMI — padbuchtorvać ukraincaŭ procidziejničać dziejučaj uładzie. Płanavałasia, što stvareńnie niezakonnaj arhanizacyi budzie abvieščana na «schodzie», adnak hetamu pieraškodzili supracoŭniki SBU. Chod hetaha schodu pavinien kantralavacca rasijskimi kuratarami ŭ režymie anłajn.
