Fota: Jahor Ivanoŭ, vk.com
Jak raspavioŭ dyśpietčar pieršaha filijała Minskich kabielnych sietak Uładzimir Šybieka, adklučeńnie śviatła źviazana z rekanstrukcyjaj pavietranaj linii elektrapieradač. Z 15 pa 19 červienia abiastočać žycharoŭ pryvatnaha siektara z nastupnymi adrasami:
- zbudavańni №1a, 3,4,5,6,27 i 36 na Avanhardnaj
- budynki №13 i 15 pa Annajeva
- damy №26-52 na vulicy Bahracijona
- zbudavańni №2 i 4 na druhim zavułku Bahracijona
- budynki № 2,4,6 pa Bumažkava
- damy 2, 2a, 14a, 19a, a taksama 13-26 na Kubanskaj
- niacotnyja numary zbudavańniaŭ z 17-ha pa 99-j na vulicy Pieradavy
- niacotnyja numary budynkaŭ z 3-ha pa 21-j na Pieradavym zavułku
- damy №4,6,8 i 10 na Tavaryskim zavułku
- zbudavańni № 43-74 na Uralskaj
Śpiecyjalist adznačaje, što možna było b pravieści rekanstrukcyju elektrasietak i z adklučeńniem śviatła ŭsiaho na paru hadzin u sutki, ale tady praces b zaniaŭ nie 5 dzion, a paŭhoda.
«I ludzi sami razumiejuć, što im treba rabić hetuju rekanstrukcyju, bo z-za starych linij u niekatorych vielmi nizkaje napružańnie. Siońnia, naprykład, telefanavała žančyna i skardziłasia, što jana navat prapyłasosić nie moža».
Bolš za toje, adznačaje surazmoŭca, u jaho na stale lažyć papiera z vykankama, dzie skazana, što z žycharami pytańnie adklučeńnia ŭzhodnienaja. Pavodle słoŭ śpiecyjalista, ulotki ź infarmacyjaj ab adklučeńni byli pieradadzienyja va ŭsie damy.
«Ludzi razumiejuć, uvachodziać u stanovišča i zhadžajucca».
Naturalna, jość i niezadavolenyja, jakija telefanujuć u dyśpietčarskuju.
«I my prosim ludziej paciarpieć. Mahčyma, navat pažyć u svajakoŭ abo susiedziaŭ. Kali rabočyja spraviacca chutčej — viadoma ž, śviatło źjavicca raniej».
Śpiecyjalist kaža, što praktyka padobnych adklučeńniaŭ nie novaja. Pavodle jaho słoŭ, niekalki hadoŭ nazad jany taksama abiastočvali žycharoŭ u Vialikim Traściancy.
«Ludzi adekvatna heta prymali i stavilisia z razumieńniem. Usio ž heta robicca dziela ludziej, a nie pa niejkim našym kapryzie».
