U Maskvie zatrymali achoŭnika kramy, jaki, jak miarkujecca, udaryŭ siamihadovaha chłopčyka elektrašokieram.
Pra heta ŭ paniadziełak, 8 červienia, paviedamlaje «Interfaks» sa spasyłkaj na pradstaŭnika maskoŭskaj palicyi Andreja Haliakbierava.
«Supracoŭniki UUS pa paŭdniova-ŭschodniaj akruzie zatrymali i dastavili ŭ adździeł palicyi achoŭnika kramy, jaki, jak miarkujecca, nanios siamihadovamu dziciaci cialesnyja paškodžańni z užyvańniem elektrašokiera», — zajaviŭ pradstaŭnik palicyi ahienctvu.
Pa słovach Haliakbierava, ciapier idzie dopyt zatrymanaha, vyśviatlajucca abstaviny zdareńnia.
Raniej hazieta «Moskovskij komsomolec» pisała, spasyłajučysia na słovy baćkoŭ paciarpiełaha chłopčyka, što achoŭnik udaryŭ chłopčyka elektrošokieram, zapadozryŭšy jaho ŭ kradziažy marožanaha.
Chłopčyk i jaho siabry pakazali ček, adnak heta nie spyniła achoŭnika.
Chłopčyk, atrymaŭšy elektryčny ŭdar, pavaliŭsia na ziamlu i pačaŭ treścisia, a supracoŭnik kramy viarnuŭsia na svajo pracoŭnaje miesca.
Paśla hetaha dziciačy ambudsmen Pavieł Astachaŭ napisaŭ u svaim tvitery, što ŭ tym vypadku, kali heta dadzienyja paćvierdziacca, to achoŭnik budzie pryciahnuty da kryminalnaj adkaznaści.
