Prezident Ukrainy Piatro Parašenka padpisaŭ zakony ab denansacyi pahadnieńnia z RF ab tranzicie rasiejskich vajskoŭcaŭ u Prydniastroŭje i ab denansacyi rasiejska-ŭkrainskaha pahadnieńnia ab vajennych miždziaržaŭnych pieravozkach. Za spynieńnie dziejańnia hetych pahadnieńniaŭ 21 maja prahałasavała Viarchoŭnaja Rada.
Ukrainski parłamient u mai pryniaŭ rašeńnie ab denansacyi jašče niekalkich pahadnieńniaŭ z Rasii: ab achovie sakretnaj infarmacyi; ab supracoŭnictvie ŭ halinie vajennaj raźviedki i ab supracoŭnictvie ŭ vajennaj halinie.
Pahadnieńnie, jakoje rehuluje prajezd vajskoŭcaŭ i pieravozku vajennych hruzaŭ z Rasii ŭ Prydniastroŭje praz terytoryju Ukrainy było padpisanaje ŭ 1995 hodzie, kali na terytoryi niepryznanaj respubliki była raźmieščanaja apieratyŭnaja hrupoŭka vojskaŭ.
Paśla taho, jak Viarchoŭnaja Rada prahałasavała za denansacyju hetaha pahadnieńnia, u rasijskim MZS zajavili, što Ukraina faktyčna pierakreślivaje namahańni pa prydniastroŭskim urehulavańni.