U Francyi pačaŭsia sud nad žančynaj, jakaja abvinavačvajecca ŭ padmanie tysiač čylijcaŭ, jakim prapanoŭvałasia kupić inhredyjenty dla vytvorčaści tak zvanaha «čaroŭnaha syru» dla francuzskaj kaśmietyčnaj industryi.
Jak śćviardžajecca, 10 hadoŭ tamu Žylbier van Erp i troje jaje saŭdzielnikaŭ prapanoŭvali čylijcam nabyć syravinu, jakaja nie maje asablivaj kaštoŭnaści. Im abiacali dolu ŭ kazačnych budučych prybytkach ad prodažu «čaroŭnaha syru», a pieršyja ŭdzielniki piramidy atrymlivali hrašovyja vypłaty, jakija ašukancy vydavali za dyvidendy.
Achviarami afiory stali bolš za 5 tysiač čałaviek, mnohija ź ich patracili svaje źbieražeńni, pradali žyllo abo kinuli pracu, kab całkam addacca syrarobstvu.
Kisłamałočny pradukt, jaki jany vyrablali, nakolki viadoma, u Francyju nie adpraŭlaŭsia zusim, jaho znajšli hniłym na składzie.
