Sajt Kyky, zabłakavany siońnia na prośbu Mininfarmacyi, adnaviŭ pracu na novym damienie — Kyky.io.

«Błakiroŭka — heta niepryjemna, niečakana i, z našaha punktu hledžańnia, nie pravilna, — pišacca ŭ redakcyjnym artykule. — My ličym, što mierkavańni našych aŭtaraŭ nie mohuć nanieści škodu intaresam Biełarusi. KYKY.org — sajt mierkavańniaŭ. Roznych mierkavańniaŭ. Da ŭčorašniaha dnia my nie ŭmieli ničoha, akramia jak rabić narmalnyja teksty, časam chapała advahi zadavać ludziam niazručnyja pytańni. Tak, my prymajem abstaviny, bo nie možam supraćstajać.

Ale jość rečy, jakija ty praciahvaješ rabić, niahledziačy ni na što. Kali tabie adrazajuć pravuju nahu, ty biareš mylicu i kulhaješ na levaj.

My žyviem i pracujem u Biełarusi, i padparadkoŭvajemsia zakonam, jakija pryniaŭ parłamient našaj krainy. My zrobim usio, što ŭ našych siłach dla taho, kab adnavić narmalnuju pracu sajta».

«Redakcyja KYKY zrobić usio, kab zastacca ŭ strai. Raźličvajem zachavać nohi, paznohci, vałasy i inšyja častki cieła ŭ cełaści i zachavanaści».

Клас
Панылы сорам
Ха-ха
Ого
Сумна
Абуральна