Pavodle jaje słoŭ, kali čarhovy płaciež nie pastupić da 30 červienia, Hrecyja apyniecca ŭ stanie defołtu.

«Ja spadziajusia, što hetaha nie adbudziecca. Ja vielmi na heta spadziajusia», - skazała Łahard.

Tym časam, kancler Hiermanii Anhieła Mierkiel zajaviła, što damoŭlenaść z Hrecyjaj pa pytańni jaje zapazyčanaści z asnoŭnymi kredytorami — ES, MVF i JECB — usio jašče moža być dasiahnuta.

Vystupajučy ŭ Bundestahu, Mierkiel skazała, što Hiermanija robić usio mahčymaje dla taho, kab Hrecyja zastałasia ŭ składzie jeŭrazony, ale dadała, što Afiny pavinny surjozna stavicca da praviadzieńnia reformaŭ.

«Ja ŭsio jašče pierakananaja, što pry žadańni ŭsio mahčyma», —skazała kancler.

Anhieła Mierkiel zrabiła hetuju zajavu napiaredadni sustrečy ministraŭ finansaŭ krain jeŭrazony ŭ Luksiemburhu.

Na praciahu bližejšych dvuch tydniaŭ Hrecyja pavinna albo dasiahnuć damoŭlenaści ab restrukturyzacyi svajoj zapazyčanaści, albo abjavić defołt ŭ suviazi ź nievykanańniem čarhovaha płaciažu MVF, jakaja składaje 1,6 młrd jeŭra.

Hrecyja ŭžo pieraniesła vypłatu 300 miljonaŭ jeŭra, jakaja pavinna była adbycca ŭ kancy maja, na kaniec červienia.

Varyjanty raźvićcia padziej

Varyjant 1: Damoŭlenaści dasiahnuta nie budzie. Hrecyja abvieścić defołt pa vypłatach svaich daŭhoŭ MVF i JECB. U takim vypadku Jeŭrapiejski centralny bank spynić prahramu ekstranaj dapamohi bankam Hrecyi, što pryviadzie da masavaha zabrańnia ŭkładaŭ, uviadzieńnia abmiežavańniaŭ nad ruch kapitału i mahčymaha vychadu Hrecyi ź jeŭrazony

Varyjant 2: Hrecyja dasiahnie damoŭlenaści sa svaimi kredytoram u apošniuju chvilinu, paźbiehnie takim čynam defołtu i zastaniecca ŭ składzie jeŭrazony

Varyjant 3: Damoŭlenaści dasiahnuta nie budzie, ale abodva baki pasprabujuć zamiać supiarečnaści i Hrecyja pakul zastaniecca ŭ składzie jeŭrazony

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?