Byłyja akcyjaniery JUKASa damahlisia aryštu aktyvaŭ Rasii nie tolki ŭ Bielhii, ale i ŭ Francyi, paviedamiła Forbes krynica, blizkaja da akcyjanieraŭ JUKASa.

Hetuju infarmacyju ŭ čaćvier aficyjna paćvierdziŭ pamočnik prezidenta Rasii Andrej Biełavusaŭ. «My budziem asprečvać hetyja rašeńni i pa Francyi, i pa Bielhii, pa ŭsich krainach. Usio, što tyčycca realizacyi rašeńniaŭ haahskaha suda, — my ličym, što tam byŭ dapuščany ceły šerah jurydyčnych niedakładnaściaŭ, budziem, viadoma, asprečvać», — skazaŭ jon.

Pamočnik prezidenta dadaŭ, što situacyja ŭ Francyi i Bielhii «vielmi mocna palityzavanaja», ale vykazaŭ nadzieju na toje, što «razumny sens pieramoža, i my daloka ŭ hetuju historyju nie zojdziem».

Paźniej kiraŭnik «VTB» Andrej Kościn paviedamiŭ, što ŭ Francyi ŭ sieradu aryštavali rachunki rasijskich kampanij u francuzskaj «dačcy» dziaržbanka. Pa słovach Kościna, aryšt byŭ nakładzieny, u tym liku, na rachunki rasijskich dypłamatyčnych misij, na jakich byli sumy ŭ «dziasiatki tysiač jeŭra».

«Rachunki dyppradstaŭnictvaŭ byli tut ža razmarožanyja, rachunki rasijskich kampanij zamarožanyja. My vyrašajem hetuju prablemu ź jurystami», — skazaŭ dziaržbankir.

Клас
Панылы сорам
Ха-ха
Ого
Сумна
Абуральна