19 červienia ŭ Minsku delehacyja Jeŭraparłamienta sustrełasia ź lidarami apazicyi.

U joj udzielničali sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec, staršynia Abjadnanaj hramadzianskaj partyi Anatol Labiedźka, kiraŭnik hramadzianskaj kampanii «Havary praŭdu» Andrej Dźmitryjeŭ, staršynia Biełaruskaj sacyjał-demakratyčnaj partyi (Hramada) Iryna Vieštard i namieśnik staršyni Biełaruskaj partyi levych «Spraviadlivy śviet» Valeryj Uchnaloŭ. U składzie delehacyi Jeŭraparłamienta byli kiraŭnik rabočaj hrupy pa suviaziach ź BiełaruśsiuBahdan Zdrajeŭski, deputaty Sandra Kałnijecie, Valdemar Tamašeŭski, Marek Jurek, Chajdzi Chaŭtała, Niłs Torvałds, Ahnieška Kazłoŭska i Andrej Mamikin.

Havorka išła pra budučyja prezidenckija vybary i pra akazańnie Biełarusi dapamohi z boku ES. Apazicyjaniery źviartali ŭvahu deputataŭ na cisk, jaki pačaŭsia na ŭdzielnikaŭ inicyjatyŭnych hrup. Haściam ź ES pieradali prapanovy pa praviadzieńni vybaraŭ, jakija raniej dasyłalisia i biełaruskim uładam.

Na sustrečy havaryli i pra finansavuju dapamohu ES Biełarusi. Labiedźka vykazaŭsia na kont taho, što 700 tysiač dapamohi na sudovuju sistemu Biełarusi, «jakaja nie źjaŭlajecca takoj zychodziačy ź mižnarodnych standartaŭ, ci 7 miljonaŭ na miascovaje samakiravańnie — heta kiepskija prykłady». Palityk miarkuje, što ŭ Jeŭrakamisii dziŭna ŭsprymajuć situacyju ŭ našaj krainie, nie zaŭsiody razumiejuć, jakija prajekty treba padtrymlivać. Bahdan Zdrajeŭski paviedamiŭ, što z čynoŭnikami z Brusiela budzie havorka na hetuju temu.

Nahadajem, delehacyja Jeŭraparłamienta znachodzicca ŭ Biełarusi z dvuchdzionnym vizitam. Jana mieła sustrečy ŭ MZS, Centrvybarkamie, MIniuście i ŭ Saviecie Respubliki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?