Fitbit na Uoł-Stryt. Fota: NYSE/Valerie Caviness

Fitbit na Uoł-Stryt. Fota: NYSE/Valerie Caviness

Kalifarnijskaja kampanija z centram raspracoŭki ŭ Minsku Fitbit vyjšła na 18 červienia IPO (pieršasnaje raźmiaščeńnie akcyj) na Ńju-Jorkskaj biržy, paviedamlaje Forbes.

Akcyi pačali pradavacca pa 20 dalaraŭ (pačatkova anansavałasia 14), handal zakryŭsia na adznacy 29,68 dalaraŭ za akcyju.

Raźmiaščeńnie 36,575 młn akcyj pryniesła Fitbit 732 młn dalaraŭ, što značyć ahulnuju acenku kampanii ŭ 4,1 młrd dalaraŭ.

Pradukcyja Fitbit. Vyjava: fitbit.com

Pradukcyja Fitbit. Vyjava: fitbit.com

***

Fitbit vyrablaje nasimyja fitnes-trekiery — napulśniki i kišennyja pryłady dla adsočvańnia kolkaści krokaŭ, pulsu, fazaŭ snu, straty vahi i inšych pakaźnikaŭ, a taksama prahramnaje zabieśpiačeńnie dla analizu sabranaj statystyki.

Zasnavanaja ŭ 2007 hodzie ŭ San-Francyska (ZŠA) Džejmsam Parkam i Erykam Frydmanam, maje centr raspracoŭki ŭ Minsku i šerah ofisaŭ pa ŭsim śviecie. Stała na biržach pieršaj kampanijaj, aryjentavanaj vyklučna na vypusk nasimaj elektroniki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?