U Minsku ŭ suviazi z budaŭnictvam stancyi mietro «Jubilejnaja płošča» zakryjuć ruch transpartu pa vuł. Suchoj.

Ab hetym paviedamiŭ na apieratyŭnaj naradzie ŭ Minharvykankamie načalnik unitarnaha pradpryjemstva «Dyrekcyja pa budaŭnictvie Minskaha mietrapalitena» Pavieł Carun.

«Ciapier viaducca raboty pa pierakładcy inžyniernych sietak na terytoryi budučaj stancyi mietro «Jubilejnaja płošča». Dla zaviaršeńnia hetych rabot z 17 lipienia budzie zakryty ruch usich vidaŭ transpartu pa vuł. Suchoj. Tut budzie budavacca stancyjny kompleks i złučalny tunel da stancyi mietro «Frunzienskaja», - skazaŭ Pavieł Carun.

Akramia taho, padrychtavany prajekt rašeńnia ab zakryćci ruchu ŭsich vidaŭ transpartu z 11 pa 13 lipienia pa vuł. K.Cetkin na ŭčastku ad pł. Bahuševiča da vuł. Kalvaryjskaj.

Na hetaj terytoryi nieabchodna pierakłaści amal 100 m liŭnievaj i 40 m haspadarča-bytavoj kanalizacyi. Z 6 pa 14 lipienia budzie zakryty prajezd da damoŭ numaroŭ 18, 20 pa vuł. Suchoj u suviazi z praviadzieńniem rabot pa pierakładcy hazapravodu.

U 2015 hodzie na budaŭnictva abjektaŭ pieršaha ŭčastka treciaj linii mietrapalitena (stancyj «Kavalskaja Słabada», «Vakzalnaja», «Jubilejnaja płošča», «Płošča Bahuševiča») inviestycyjnaj prahramaj Minska vydzielena Br969,9 młrd, adkryta kredytnaja linija na Br500 młrd. Płanujecca, što pieršyja čatyry stancyi treciaj linii mietro buduć adkryty ŭ 2018-2019 hadach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?