U aŭtstralijskim Mielburnie źjavicca pomnik achviaram Chałakostu ź Biełarusi, paviedamlaje vydańnie Australian Jewish News.

Rusłan Kohan. Fota AMWicked. 

Rusłan Kohan. Fota AMWicked. 

Zbor srodkaŭ praz kraŭdfandynhavuju płatformu Gofundme arhanizavaŭ biźniesoviec Rusłan Kohan, jaki ŭ 1989 razam ź siamjoju pierajechaŭ u Aŭstraliju i zasnavaŭ ułasny brend elektroniki Kogan.

Spačatku Kohan płanavaŭ realizavać prajekt pomnika samastojna, ale jaho maci nastojvała, kab u finansavańni pomnika paŭdzielničali i inšyja pradstaŭniki biełaruskaj jaŭrejskaj supolnaści Aŭstralii.

Tamu Kohan raspačaŭ zbor srodkaŭ na pomnik srodkami kraŭdfandynhu, dzie raskazaŭ pra masavyja zabojstvy jaŭrejaŭ u Biełarusi padčas Druhoj suśvietnaj vajny i zaklikaŭ padtrymać stvareńnie pomnika. Prajekta miemaryjała pakul niama, ale mahčyma, jon budzie stvorany taksama skulptaram-emihrantam ź Biełarusi.

Na hety momant sabrana 15 tysiačaŭ dalaraŭ ź nieabchodnych dvaccaci. Rusłan Kohan zaklikaje nieabyjakavych biełarusaŭ dałučacca.

 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?