Ministerstva infarmacyi prosić prybrać z sajta mat i abrazy. Tamu z hetaha momantu na sajcie abjaŭlajecca narmalizacyja kamientaroŭ, paviedamlaje vydańnie, jakoje ciapier znachodzicca pa adrasie kyky.io.

Postmaderacyja zachoŭvajecca, ale maciukalnyja łohi buduć vydalacca. A abraźlivyja buduć aceńvacca maderatarami subjektyŭna.

22 červienia dyrektar sajta Darja Maciavina i redaktar Pavieł Śviardłoŭ sustrelisia ŭ Ministerstvie infarmacyi ź pieršym namieśnikam ministra Iharam Łuckim i namieśnikam načalnika ŭpraŭleńnia pravavoj i kadravaj raboty Juryjem Biabieškam.

Viedamstva hatova vydać zahad ab adnaŭleńni dostupu da KYKY.org, ale čynoŭniki chočuć pierakanacca, što z KYKY.org vydalenyja čatyry artykuły, da jakich pradjaviŭ pretenzii Mininfarm i 18 červienia abmiežavaŭ dostup da sajta.

Taksama Juryj Biabieška patłumačyŭ, čamu Mininfarm nie daŭ sajtu papiaredžańnia, a adrazu abmiežavaŭ dostup. Pavodle jaho słoŭ, papiaredžańnie moža atrymać sajt, raźmieščany ŭ damiennaj zonie.by. Pakolki ich damien -.org, to adzinaj dastupnaj mieraj stała błakiroŭka.

Redakcyja spadziajecca adnavić dostup da KYKY.org ŭ najbližejšy čas.

Клас
0
Панылы сорам
0
Ха-ха
0
Ого
0
Сумна
0
Абуральна
0