Aŭtamabil BMW X5 u Minsku staŭ achviaraj nieviadomaha napadnika. Čorny aŭtamabil, jaki stajaŭ u staličnym dvary na Ihumienskim trakcie, niechta abliŭ biełaj farbaj.
Pa słovach kiroŭcy, jakija pierakazvaje onliner.by, BMW byŭ pryparkavany pa praviłach i nikomu nie pieraškadžaŭ. Siabry kiroŭcy vykazali mierkavańnie, što aŭtamabil abliła farbaj pakryŭdžanaja prychilnica. A rabotniki myjki miarkujuć, što niechta moh adreahavać takim čynam na padviesku, jakaja visieła pad łabavym škłom, — piaciarnia ŭ kolerach rasijskaha ściaha. «Kažuć, dastajecca ŭ hety čas aŭtamabilam z padobnaj simvolikaj: hieorhijeŭskimi stužačkami, nalepkami nakštałt «Dziakuj dziedu za pieramohu!», rasijskimi ściahami», — paviedamiŭ kiroŭca.