Staršynia Jeŭrakamisii Žan-Kłod Junkier prapanavaŭ uradu Hrecyi prahramu dadatkovaj dapamohi na sumu 35 miljardaŭ jeŭra, vydzialeńnie jakoj budzie raściahnuta da 2020 hoda. Pra heta jon paviedamiŭ na pres-kanfierencyi ŭ Brusieli.
Pavodle jaho słoŭ, prahrama nakiravana na toje, kab palepšyć pierśpiektyvy ekanamičnaha rostu Hrecyi. Jeŭrakamisija sprabuje taksama kansalidavać biudžet Hrecyi i pavysić zaniataść jaje nasielnictva. Pa słovach Junkiera, pieršy miljard jeŭra moža być vydzieleny Afinam užo ŭ druhim paŭhodździ.
Raniej hrečaskija banki abmiežavali vydaču najaŭnych u svaich adździaleńniach sumaj u 3000 jeŭra ŭ adny ruki. Abmiežavańnie ŭviali paśla taho, jak u vychadnyja z bankamataŭ było źniata bolš za 400 miljonaŭ jeŭra, a ahulny adtok srodkaŭ ź finansavaj sistemy skłaŭ 2 miljardy dalaraŭ.
