Hara na Cerery źvierchu fota (zdymak pierahornuty). Tut i nižej fota: NASA/JPL-Caltech/UCLA/MPS/DLR/IDA
Hara na Cerery raźmiaščajecca sprava ad centra
Mižpłanietnaja aŭtamatyčnaja stancyja NASA «Uschod» zaśniała na karlikavaj płaniece Cerera niezvyčajnuju horu, raspaviadaje NASA.
Samotnaja piacikiłamietrovaja hara staić na płoskaj pavierchni, pobač ź joj niama paraŭnalnych uzvyššaŭ. Schiły hary vielmi krutyja.
Pachodžańnie hary nieviadomaje.
Akramia taho, na Cerery byli znojdzienyja šmatlikija kratary z uzvyššami ŭ ich centry (takija struktury časam traplajucca i na inšych płanietach, ale na Cerery jany vielmi častyja). Jość vyraznyja śviedčańni byłoj aktyŭnaści na pavierchni: patokaŭ, apoŭźniaŭ, razbureńnia struktur.
Biełyja plamy na Cerery, frahmient fota
«Uschod» taksama zrabiŭ novy zdymak tajamničych biełych plam u kratary na Cerery. Vyjaviłasia, što plamy nie dźvie, a značna bolš. Ich pachodžańnie dakładna nie vyznačanaje dahetul, ale miarkujecca, što śviatło takim čynam moža adbivać lod.
***
Cerera — adkrytaja ŭ 1801 hodzie karlikavaja płanieta ŭ pojasie asteroidaŭ miž Marsam i Jupitaram. Dyjamietr pa ekvatary składaje kala 963 km, što ŭ 13 ź lišnim raz mienš za Ziamlu. Mižpłanietnaja stancyja «Uschod» dalacieła da Cerery 6 sakavika 2015 hoda. Kitaj płanuje (PDF) ŭ 2020-ch hadach uziać z Cerery proby hruntu.