Kiraŭnictva Zimbabvie zacikaŭlena ŭ raźvićci ŭsiebakovaha partniorstva ź Biełaruśsiu, a taksama hatova akazvać dziaržaŭnuju padtrymku sumiesnym ekanamičnym prajektam.
Ab hetym pradstaŭniki krainy zajavili ŭ chodzie pieramoŭ ź biełaruskaj delehacyjaj, jakaja naviedała Zimbabvie 18—21 červienia.
U skład delehacyi ŭvajšoŭ pasoł Biełarusi ŭ PAR i Zimbabve pa sumiaščalnictvie Andrej Mołčan, staršynia praŭleńnia AAT «Bank raźvićcia Respubliki Biełaruś» Siarhiej Rumas, hienieralny dyrektar AAT «BiełAZ» Piotr Parchomčyk, inšyja pradstaŭniki biełaruskich dziełavych kołaŭ.
Biełaruskaja delehacyja praviała sustrečy z prezidentam Zimbabvie Robiertam Muhabie i šeraham zimbabvijskich ministraŭ.
Baki abmierkavali raźvićcio palityčnaha i ekanamičnaha supracoŭnictva pamiž Biełaruśsiu i Zimbabvie, a taksama razhledzieli šerah kankretnych ekanamičnych inicyjatyŭ biełaruskaha boku.
Biełaruskaja delehacyja taksama ŭziała ŭdzieł va ŭračystaj cyrymonii ŭvodu ŭ ekspłuatacyju karjernaj techniki vytvorčaści AAT «BiełAZ» na vuhalnym karjery «Chvanhie». U Zimbabvie było pastaŭlena 17 adzinak techniki bolš čym na 12 młn. dalaraŭ ZŠA.