Prezidenckija vybary ŭ Biełarusi nieabchodna padrychtavać i pravieści adkryta, sumlenna, spakojna i stroha ŭ adpaviednaści ź biełaruskim zakanadaŭstvam i ŭziatymi na siabie mižnarodnymi abaviazacielstvami.
Pra heta zajaviŭ siońnia kiraŭnik dziaržavy Alaksandr Łukašenka na naradzie pa aktualnych ŭnutrypalityčnych pytańniach.
Jon źviarnuŭ uvahu na toje, što vybarčyja kampanii luboha ŭzroŭniu majuć vielmi važnaje značeńnie jak forma volevyjaŭleńnia naroda. «A vybary prezidenta — heta hałoŭnaja hramadska-palityčnaja padzieja dla luboj krainy, tym bolš dla našaj, dzie paŭnamoctvy prezidenta vielmi vialikija, — adznačyŭ kiraŭnik dziaržavy. — Addajučy svoj hołas na karyść taho ci inšaha kandydata, hramadzianie Biełarusi vyznačajuć los dziaržavy, kudy i jak my budziem ruchacca dalej, jaki šlach raźvićcia pry hetym abiarem».
Kiraŭnik dziaržavy ličyć, što prezidenckija vybary źjaŭlajucca ŭ peŭnym sensie ispytam dla ŭsich orhanaŭ ułady. «Heta ispyt pierad narodam, pierad tymi, chto davieryŭ nam los Biełarusi», — padkreśliŭ Łukašenka. Pavodle jaho słoŭ, jaho vyniki prademanstrujuć staŭleńnie ludziej da vynikaŭ hetaj pracy, a taksama stanuć asnovaj stratehii dalejšaha raźvićcia krainy.
«Heta najvažniejšaje palityčnaje mierapryjemstva, i my pavinny zabiaśpiečyć jaho praviadzieńnie na vysokim uzroŭni. Pry hetym chaču padkreślić, što jašče nikoli nie było takich mahčymaściaŭ dla praviadzieńnia vybaraŭ na tym uzroŭni, kab nichto nie zmoh navat papraknuć nas, padkapacca pad niejkija prablemy i pytańni», — skazaŭ kiraŭnik dziaržavy.
Alaksandr Łukašenka adznačyŭ, što hałoŭnuju rolu ŭ praviadzieńni vybarčaj kampanii ŭ adpaviednaści z zakanadaŭstvam budzie hrać Centrvybarkam.
«CVK z času abviaščeńnia prezidenckich vybaraŭ i tolki jon budzie zajmacca ŭ krainie arhanizacyjaj i praviadzieńniem vybarčaj kampanii. Usie astatnija, i ja ŭ tym liku, buduć udzielničać u joj tolki pastolki, boi hetaha zapatrabuje CVK. Usiakija zajavy, inicyjatyvy pavinny ŭzhadniacca sa staršynioj Centrvybarkama», — padkreśliŭ jon. U toj ža čas u vyrašeńni ekanamičnych i arhanizacyjnych pytańniaŭ zaŭsiody aktyŭna ŭdzielničajuć miascovyja orhany ŭłady, dadaŭ jon.
«Pierad nami stajać surjoznyja i adkaznyja zadačy. Nam nieabchodna padrychtavać i pravieści prezidenckija vybary, pa-pieršaje, adkryta, pa-druhoje, sumlenna, pa-treciaje, spakojna, i samaje hałoŭnaje — stroha ŭ adpaviednaści ź biełaruskim zakanadaŭstvam i tymi abaviazacielstvami, jakija my ŭziali pierad mižnarodnymi arhanizacyjami», — skazaŭ Alaksandr Łukašenka.
Jon padkreśliŭ, što ŭ krainie nikomu nie buduć zabaraniać nazirać za vybarami: «ni unutranym naziralnikam, ni zamiežnym». «Niachaj hladziać, robiać adpaviednyja vysnovy», — skazaŭ jon.
