Dva tury prezidenckich vybaraŭ buduć kaštavać biudžetu Biełarusi Br260 młrd, adzin - Br181 młrd. Ab hetym siońnia žurnalistam paviedamiła staršynia Centrvybarkama Lidzija Jarmošyna.
«Hrošy buduć vydzieleny ŭ poŭnym abjomie i poŭnaściu zabiaśpiečać u razumnych ramkach praviadzieńnie ŭsich etapaŭ vybarčaj kampanii», - skazała Lidzija Jarmošyna.
Staršynia CVK prakamienciravała mahčymaść druhoha tura vybaraŭ. «My zaŭsiody prahnazujem jaho ŭ biudžecie, - skazała jana. - Druhi tur možna prahnazavać, kali adbyłosia vyłučeńnie kandydataŭ u prezidenty».
«Druhi tur praduhledžvaje najaŭnaść vostraj alternatyŭnaj baraćby mocnych kandydatur, jakija procistajać adna adnoj», - dadała Lidzija Jarmošyna.-
