Julinski fiestyval sabačaha miasa. Tut i nižej fota: Reuters
U paniadziełak, 22 červienia ŭ Huansi-Čžuanskim aŭtanomnym rehijonie na poŭdni Kitaja prajšoŭ čarhovy fiestyval sabačaha miasa ŭ horadzie Julin, raspaviadaje Daily Mail. Z etyčnych pryčyn my nie publikujem fota pracesu hatavańnia.
Z prykładna 10 tysiač sabak žyŭcom złupili skuru, kab zhatavać ich zhodna tradycyi śviatkavańnia letniaha soncastajańnia.
Paviedamlajecca, što na miasa padčas fiestyvalu pradajucca nie tolki sabaki lubych parod, ale i katy z kacianiatami.
Prychilniki fiestyvalu, jakich było niamała na vulicach haradoŭ, na kirmašach i ŭ restaranach, kažuć ab kaštoŭnaści staražytnaj tradycyi dy nahadvajuć krytykam ab zachodniaj tradycyi jadzieńnia indyka na Kalady.
Praciŭnikaŭ fiestyvalu nabrałasia niamała — tolki na Change.org pietycyja nabrała amal paŭtara miljona podpisaŭ. Ale ich arhumienty nie byli pačutyja. Dziesiać pratestoŭcaŭ na vulicach byli razahnanyja nieapaznanymi ludźmi.
Pa źviestkach hankonhskaj arhanizacyi Animals Asia, u Kitai štohod zabivajuć dziela ježy kala 10 młn sabak, chacia tradycyja jadzieńnia sabak nie raspaŭsiudžanaja ŭ bolšaj častcy krainy.
