Li Džyjen. Fota: Paul Sakuma, appleinsider.com
Za ŭspyšku śmiarotna niebiaśpiečnaha virusu MERS, zafiksavanuju ŭ Paŭdniovaj Karei ŭ mai, ŭziała na siabie adkaznaść kampanija Samsung, ź miedycynskim centram jakoj źviazanyja 58 sa 175 vypadkaŭ zaražeńnia, pieradaje The New York Times.
«Naš Samsung Medical Center nie zdoleŭ spynić infiekcyju i raspaŭsiud MERS, što pryniesła stolki bolu i niepakoju narodu», — skazaŭ vice-prezident Samsung Electronics Li Džyjen. — Schilaju hałavu i prašu prabačeńnia».
Na momant publikacyi viadoma pra 27 śmiarciej ad uspyški MERS ŭ Paŭdniovaj Karei.
Bližnieŭschodni reśpiratorny sindrom pačaŭ raspaŭsiudžvacca ŭ arabskich krainach u 2012 hodzie, zatym praz vandroŭnikaŭ pierakinuŭsia ŭ Paŭdniovuju Kareju. Niadaŭna pieršy vypadak śmierci ad jaho byŭ zafiksavany ŭ Hiermanii. Lekaŭ ad virusu dahetul niama, niavyznačanaje i jaho pachodžańnie dy dakładny miechanizm pieradačy.
Sa 175 vypadkaŭ zaražeńnia ŭ Paŭdniovaj Karei 85 čałaviek byli pacyjentami Samsung Medical Center, ich rodzičami albo piersanałam centru. Adzin z chvorych byŭ najomnym rabočym, jaki nie trapiŭ pad karancin i praciahvaŭ pracavać, pakul jaho dyjahnaz nie byŭ kančatkova paćvierdžany.
Raspaŭsiud MERS praź miedycynski centr Samsung moža stać vialikaj pieraškodaj dla 47-hadovaha Li Džyjena na šlachu da atrymańnia biźnies-impieryi Samsung u spadčynu ad baćki. Li Džyjen — adziny syn 73-hadovaha Li Hanchi, staršyni kampanii i małodšaha syna jaje zasnavalnika Li Biončchola. Li Hanchi byŭ špitalizavany ŭ tym samym miedycynskim centry paśla infarktu ŭ mai minułaha hoda.
Čytajcie taksama: U Biełarusi praviaduć vučeńni na vypadak praniknieńnia virusa MERS
