Ad 1 lipienia pradaŭcam u Biełarusi zabaroniać vykarystoŭvać słovazłučeńnie «elektronnaja cyhareta» dla paznačeńnia adpaviednaha tavaru, pieradaje BIEŁTA słovy namieśnika ministra handlu Iryny Narkievič.

Tavar pad zabaronienaj nazvaj usio jašče možna budzie pradavać, ale nazyvać jaho pryjdziecca inačaj. Za parušeńnie — štraf.

«Što takoje tak zvanaja elektronnaja cyhareta? Heta nie cyhareta ŭ zvykłym razumieńni, jak tłumačyć Suśvietnaja arhanizacyja achovy zdaroŭja, heta niejkaja pryłada dla kureńnia, elektronny inhalatar, — tłumačyć Narkievič. — U Biełarusi hety tavar pa-raniejšamu budzie pradavacca, jon prosta pavinien budzie pamianiać svajo najmieńnie».

Jakim maje stać novaje najmieńnie tavaru, Narkievič nie ŭdakładniaje.

Z 1 lipienia taksama budzie zabaronienaja imitacyja źniešniaha vyhladu tytuniovych vyrabaŭ i vykarystańnie ich najmieńniaŭ pry vytvorčaści tavaraŭ, jakija nie źjaŭlajucca tytuniovymi vyrabami. Kali nazvany tavar budzie imitavać vyhlad tytuniovaha vyrabu, na jaho budzie raspaŭsiudžvacca zabarona na rekłamu.

Hetki tavar akramia zabaronienaj nazvy maje taksama alternatyŭnyja nazvy: piersanalny inhalatar (pa-anhlijsku časta vykarystoŭvajecca abrevijatura PV, personal vaporizer) i elektronnaja sistema dastaŭki nikatynu (anałahična — ENDS). Palaki nazyvajuć taki tavar siarod inšaha E-papieros, niemcy — E-Shisha (Je-kaljan), finy — sähkötupakka (dasłoŭna — «elektratytuń»), isłandcy — rafsígaretta ci rafretta (ad rafhlaða — batareja).

Čytajcie taksama: Mahazinam zabaranili vystaŭlać cyharety na kasie, zabaronienyja i tavary ŭ vyhladzie cyharet

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?