Ułady Hrecyi pahadzilisia pryniać umovy mižnarodnych kredytoraŭ, piša Financial Times sa spasyłkaj na list premjer-ministra Hrecyi Aleksisa Cyprasa, jaki jon adpraviŭ kiraŭnikam Jeŭrakamisii, Mižnarodnaha valutnaha fondu (MVF) i Jeŭrapiejskaha centralnaha banka (JECB) u aŭtorak, 30 červienia.

Cypras pahadziŭsia na ŭmovy kredytoraŭ, jakija byli prapanavanyja na minułym tydni. Vydańnie adznačaje, što jon źviedaŭ niaznačnyja źmieny.

U liście hrečaski premjer prosić padoŭžyć prahramu finansavaj dapamohi ŭ abjomie €29,1 młrd.

Nahadajem, što ranicaj MVF aficyjna paćvierdziŭ, što Hrecyja nie vypłaciła ŭ termin doŭh u pamiery 1,6 młrd jeŭra (1,8 młrd dalaraŭ) paśla taho, jak ministry finansaŭ jeŭrazony admovilisia padoŭžyć prahramu finansavaj dapamohi.

«My paviedamili vykanaŭčaj radzie, što Hrecyja maje praterminoŭku zapazyčanaści i moža atrymać finansavańnie MVF tolki paśla taho, jak doŭh budzie vypłačany», — skazaŭ pradstaŭnik MVF Džery Rajs.

U toj ža čas ministry jeŭrazony zajavili, što abmiarkujuć prapanovu Hrecyi ab novym płanie pa vychadu z kryzisu.

Vykazvajucca aściarohi, što ŭ kančatkovym vyniku heta moža pryvieści da defołtu i vychadu Hrecyi ź jeŭrazony.

Клас
0
Панылы сорам
0
Ха-ха
0
Ого
0
Сумна
0
Абуральна
0