Były rektar BDU, palitviazień Alaksandr Kazulin nie płanuje ŭdziełu ŭ prezidenckaj kampanii.
Fota Antona Surapina, bnp.by.
«Viedajecie, ja prychilnik metazhodnaści. Jaki moža być udzieł u vybarach, kali vybaraŭ niama? Tyja ludzi, jakija ŭsio ž uciahvajucca ŭ kampaniju mohuć pieraśledavać samyja roznyja mety, moža, niechta choča materyjalna zabiaśpiečyć sabie na bližejšyja piać hadoŭ ci ŭpisać svajo imia ŭ historyi. Ale dasiahnuć palityčnaha vyniku siońnia niemahčyma», — kaža Alaksandr Kazulin.
Pavodle jahonych słovaŭ, da jaho źviartalisia z prapanovaj uvajści ŭ kamandu niekatorych patencyjnych kandydataŭ u prezidenty, ale na ŭsie takija prośby Kazulin adkazvaje admovaj.
«Mnie zdajecca, što apazicyja kazała, što nie budzie ŭdzielničać u prezidenckich vybarach, kali za kratami znachodzicca, choć adzin palitviazień, a tut u turmie zastajecca ceły kandydat u prezidenty. Dyk pra što možna havaryć?» — zadajecca rytaryčnym pytańniem były palitviazień.
Što tyčycca stvareńnia inicyjatyŭnaj hrupy pa vyłučeńni Mikałaja Statkieviča, to ŭ cełym Kazulin stavicca da hetaha pazityŭna: «Lubaja maralnaja padtrymka z voli važnaja ŭ takoj situacyi».
