Brytanski fiłantrop cer Nikałas Uintan, jaki vyratavaŭ napiaredadni Druhoj suśvietnaj vajny 669 dziaciej z kancentracyjnych łahieraŭ, pamior va ŭzroście 106 hadoŭ.
Uintan naradziŭsia ŭ siamji niamieckich jaŭrejaŭ, jakija ŭ 1907 emihravali ŭ Vialikabrytaniju i pryniali chryščeńnie.
U 1930-ja hady Nikałas Uintan pracavaŭ brokieram na Łondanskaj fondavaj biržy, nie majučy na toje nieabchodnaj adukacyi.
Pierad pačatkam Druhoj suśvietnaj vajny Uintanu ŭdałosia arhanizavać vyratavańnie 669 dziaciej z akupavanaj niemcami Čechasłavakii ŭ chodzie apieracyi, jakaja atrymała paśla nazvu «Češski Kindertranspart».
Maci Uintana tady dapamahała synu ŭ pošuku siemjaŭ, jakija byli hatovyja pryniać vyratavanych dziaciej.
Ab vyratavańni dziaciej z kancłahieraŭ šyrokaj hramadskaści stała viadoma tolki ŭ 1980-ja hady. Sam Uintan nikoli nie kazaŭ ab hetym epizodzie svajoj bijahrafii.
Paśla vajny Uintan zajmaŭsia arhanizacyjaj bujnoha prytułku dla sastarełych u horadzie Sent-Ołbans.