Pra heta zajaviŭ siońnia namieśnik načalnika hałoŭnaha ŭpraŭleńnia achovy pravaparadku i prafiłaktyki — načalnik upraŭleńnia achovy pravaparadku HUAPP milicyi hramadskaj biaśpieki MUS Biełarusi Dźmitryj Kurjan u čas pres-kanfierencyi ab zabieśpiačeńni hramadskaj biaśpieki na śviatočnych mierapryjemstvach u honar Dnia Niezaležnaści Biełarusi.
«Ruch transpartu budzie abmiežavany 3 lipienia ŭ rajonie płoščy Pieramohi (pa praśpiekcie Niezaležnaści ad vulicy Ja. Kupały da vulicy Kazłova) z 10.00 i da zakančeńnia mierapryjemstva. Akramia taho, z 18.00 i da zakančeńnia mierapryjemstvaŭ (kala 00.30) budzie abmiežavany ruch transpartu pa praśpiekcie Pieramožcaŭ - ad vulicy Niamiha da vulicy Hvardziejskaj u abodva baki. Hety ŭčastak budzie zakryty dla ruchu», — skazaŭ Dźmitryj Kurjan.
Načalnik upraŭleńnia dadaŭ, što ŭ čas praviadzieńnia mierapryjemstvaŭ kala Pałaca sportu i abieliska «Minsk — horad-hieroj» budzie zabaroniena parkoŭka transpartu pa praśpiekcie Pieramožcaŭ kala damoŭ numar 23, numar 31 i numar 41, a taksama ŭ rajonie parku Pieramohi.
