«27 červienia da mianie pryjechali hości. Pa tradycyi pajšli ŭ muziej Karatkieviča», — piša naš čytač z Oršy Hienadź Šepieleŭ.
«Aburyła nie toje, što supracoŭnikaŭ pryjšłosia šukać, soramna pierad haściami za inšaje. Siarod nas byŭ čałaviek, jaki dobra viedaje bijahrafiju i tvorčaść Uładzimira Karatkieviča, tamu, nabyŭšy kvitki, pasłuhami ekskursavoda vyrašyli nie karystacca.
Nie prajšło i 10 chvilin, jak adniekul źvierchu źlacieła zahadčyca muzieja i va ultymatyŭnaj formie zajaviła, što ekskursija płatnaja i jana jaje budzie pravodzić. Nie dasłuchaŭšy da kanca i spasłaŭšysia na niedachop času, my pakinuli «kulturnuju» ustanovu, dzie błytajuć daty i nie viedajuć dakładna proźviščy.
Mnie soramna pierad haściami, i tamu prašu prabačeńnia ad imia ŭsich sumlennych i vychavanych aršancaŭ».
