Alaksandr Łukašenka 2 lipienia 2015 hoda padpisaŭ ukaz № 302 «Ab zvalnieńni ŭ zapas vajennasłužačych terminovaj vajennaj słužby i reziervistaŭ i pryzyvie hramadzian na terminovuju vajennuju słužbu, słužbu ŭ reziervie ŭ žniŭni—listapadzie 2015 hoda».

Vyniatka z Ukaza apublikavana na sajcie BiełTA. 

1. Zvolnić u zapas vajennasłužačych terminovaj vajennaj słužby i reziervistaŭ, jakija vysłužyli ŭstanoŭlenyja terminy vajennaj słužby pa pryzyvu, słužby ŭ reziervie.

2. Pryzvać u žniŭni—listapadzie 2015 hoda na terminovuju vajennuju słužbu, słužbu ŭ reziervie hramadzian Respubliki Biełaruś mužčynskaha połu, jakim da dnia pryzyvu spoŭniłasia 18 hadoŭ i jakija nie majuć prava na adterminoŭku ad pryzyvu, a taksama hramadzian pryzyŭnoha ŭzrostu, jakija stracili prava na adterminoŭku.

3. Savietu Ministraŭ Respubliki Biełaruś, abłvykankamam i Minskamu harvykankamu zabiaśpiečyć vykanańnie mierapryjemstvaŭ, źviazanych z pryzyvam hramadzian na terminovuju vajennuju słužbu, słužbu ŭ reziervie, u adpaviednaści z zakanadaŭčymi aktami.

4. Ministerstvu abarony da 1 śniežnia 2015 hoda nakiravać hramadzian, pryzvanych na terminovuju vajennuju słužbu, słužbu ŭ reziervie, va Uzbrojenyja Siły, inšyja vojski i voinskija farmiravańni Respubliki Biełaruś u miežach kolkaści zhodna z dadatkam.

[Ukaz źmiaščaje dadatak, pryznačanaje dla słužbovaha karystańnia].

5. Ustanavić, što paciarpiełyja ad katastrofy na Čarnobylskaj AES hramadzianie, pryzvanyja na terminovuju vajennuju słužbu, nakiroŭvajucca ŭ voinskija čaści i farmiravańni, jakija nie znachodziacca na terytoryi radyjeaktyŭnaha zabrudžvańnia, pryznačajucca na voinskija pasady, nie źviazanyja z rabotami pa ekspłuatacyi krynic ianizujučaha vypramieńvańnia, zvyšvysokich častot i z kampanientami rakietnaha paliva.

6. Dziaržaŭnamu abjadnańniu «Biełaruskaja čyhunka» zabiaśpiečyć pa zajaŭkach Ministerstva abarony, inšych dziaržaŭnych orhanaŭ, u jakich praduhledžana vajennaja słužba, pieravozku vajennasłužačych terminovaj vajennaj słužby i reziervistaŭ, jakija vysłužyli ŭstanoŭlenyja terminy vajennaj słužby pa pryzyvu, słužby ŭ reziervie, i hramadzian, pryzvanych na terminovuju vajennuju słužbu, słužbu ŭ reziervie.

7. Vajennym kamisaram (kiraŭnikam adasoblenych padraździaleńniaŭ vajennych kamisaryjataŭ) na padstavie adpaviednych rašeńniaŭ rajonnych (haradskich) pryzyŭnych kamisij nakiroŭvać u orhany prakuratury materyjały na hramadzian, jakija ŭchililisia ad pryzyvu na terminovuju vajennuju słužbu, słužbu ŭ reziervie, dla pryciahnieńnia ich da adkaznaści ŭ adpaviednaści z zakanadaŭčymi aktami.

8. Savietu Ministraŭ Respubliki Biełaruś da 20 studzienia 2016 hoda pradstavić prezidentu Respubliki Biełaruś infarmacyju ab vynikach pryzyvu hramadzian na terminovuju vajennuju słužbu, słužbu ŭ reziervie.

9. Hety Ukaz ustupaje ŭ siłu paśla jaho aficyjnaha apublikavańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?