«Jana pryciahnuta ŭ jakaści padazravanaj pa kryminalnaj spravie. Znachodzicca va ŭstanovie achovy zdaroŭja. Miera strymańnia dla jaje nie abirałasia», — paviedamiła pradstaŭnik Śledčkaha kamiteta Julija Hančarova.
Avaryja adbyłasia viečaram 5 lipienia na trasie Orša—Škłoŭ—Mahiloŭ kala ahraharadka Aleksandryja. Kala 21:00 23-hadovaja žančyna na «BMV», u sałonie jakoha znachodziłasia šeść čałaviek, vyjechała na pałasu sustrečnaha ruchu i ŭrezałasia ŭ «Miersiedes Spryntar», jaki jechaŭ u sustrečnym napramku. Sutyknieńnie zafiksavaŭ videarehistratar «Spryntera».
U vyniku avaryi kiroŭca i troje pasažyraŭ «Miersiedesa» atrymali surjoznyja traŭmy. Kiroŭca «BMV» špitalizavana, ale jaje žyćciu ničoha nie pahražaje.
Kryminalnaja sprava zaviedziena pa fakcie parušeńnia PDR, što paciahnuła pa nieaściarožnaści pryčynieńnie ciažkaha cialesnaha paškodžańnia. Staž padazravanaj, žycharki Škłoŭskaha rajona, — mienš za dva hady, prava na kiravańnie aŭtamabilem joju atrymana ŭ listapadzie 2013 hoda.
Na vychadnych u ahraharadku Aleksandryja (Škłoŭski rajon), dzie hadavaŭsia Alaksandr Łukašenka, prachodziła štohadovaje śviata «Kupalle» («Aleksandryja źbiraje siabroŭ»). Adkryvaŭ śviata kiraŭnik dziaržavy. Kali Łukašenka na viertalocie adpraviŭsia ŭ Minsk, jaho kartež viartaŭsia ŭ stalicu viečaram u niadzielu.