Prakuraturaj Minskaj vobłaści dla razhladu ŭ abłasny sud adpraŭlena kryminalnaja sprava ŭ dačynieńni da nieadnarazova sudzimaha 40-hadovaha žychara Maładziečanskaha rajona.

Jon abvinavačvajecca ŭ razbojnym napadzie, zhvałtavańni i naŭmysnym zabojstvie z asablivaj žorstkaściu 68-hadovaj žančyny, a taksama ŭ naŭmysnym padpale jaje doma. Pra heta paviedamiła staršy pamočnik prakurora Minskaj vobłaści Łarysa Parchimovič.

Papiaredniaje rasśledavańnie kryminalnaj spravy pravodziłasia ŭpraŭleńniem Śledčaha kamiteta pa Minskaj vobłaści.

Pavodle źviestak śledstva, mužčyna vyzvaliŭsia ŭ pačatku śniežnia 2014 hoda ź miescaŭ pazbaŭleńnia voli. U 20-ch čysłach hetaha ž miesiaca ŭ viačerni čas, budučy ŭ stanie ałkaholnaha apjanieńnia doma ŭ znajomaj jamu 68-hadovaj žančyny ŭ susiedniaj vioscy ŭ Maładziečanskim rajonie, kali jana zastała jaho pry ŭčynieńni kradziažu mabilnaha telefona, elektračajnika i kašalka, što naležali joj, prymianiŭ u dačynieńni da pažyłoj žančyny nasille, niebiaśpiečnaje dla žyćcia i zdaroŭja.

Pavaliŭ jaje na padłohu i, pieraśledujučy raptam uźnikłuju zadumu, zhvałtavaŭ paciarpiełuju. U pracesie ŭčynieńnia zhadanych dziejańniaŭ abvinavačvany z metaj pieraadoleńnia supraciŭleńnia paciarpiełaj nanios joj ciažkija cialesnyja paškodžańni, niebiaśpiečnyja dla žyćcia.

Padčas razbojnaha napadu złačyncam vykradziena majomaść na 417 tys. rubloŭ.

Žadajučy ŭtaić ślady ŭčynienych złačynstvaŭ i majučy zadumu zabić pažyłuju žančynu, uśviedamlajučy, što paśla naniasieńnia joj mnostva cialesnych paškodžańniaŭ, paciarpiełaja jašče žyvaja, abvinavačvany padpaliŭ dom, u jakim znachodziłasia achviara, dačakaŭsia, pakul jaho achopić połymia, paśla čaho ŭciok ź miesca złačynstva.

Žančyna ŭ mukach pamierła na miescy zdareńnia ad traŭmy hałavy i tułava, pierałomaŭ kaściej škileta, krovaźlićcia pad abałonki hałaŭnoha mozhu, razryvu piečani, apiokavaj traŭmy, što ŭskładnilisia šokam u kambinacyi z atručeńniem čadam.

U vyniku padpału byŭ źniščany žyły dom i majomaść, što była ŭ im, na ahulnuju sumu bolšuju za 72 młn. rubloŭ.

Dziejnym kryminalnym zakanadaŭstvam za razbojny napad, učynieny z naniasieńniem ciažkaha cialesnaha paškodžańnia, praduhledžana pakarańnie ŭ vyhladzie pazbaŭleńnia voli terminam da 15 hadoŭ, za ŭčynieńnie zhvałtavańnia — da 7 hadoŭ pazbaŭleńnia voli.

Za naŭmysnaje źniščeńnie i paškodžańnie majomaści, učynienyja ahulnaniebiaśpiečnym sposabam, što mieła vynikam naniasieńnie ŭronu ŭ bujnym pamiery, praduhledžana pakarańnie ŭ vyhladzie pazbaŭleńnia voli terminam da 10 hadoŭ.

Za naŭmysnaje zabojstva, učynienaje ahulnaniebiaśpiečnym sposabam, z asablivaj žorstkaściu, źviazanaje sa zhvałtvańniem i razbojem, sudom moža być pryznačana pakarańnie ŭ vyhladzie pazbaŭleńnia voli terminam da 25 hadoŭ, abo pažyćciovaje źniavoleńnie, abo śmiarotnaja kara.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?