Alaksandr Łukašenka nakiravaŭsia z rabočym vizitam u horad Ufa Rasijskaj Fiederacyi, paviedamili BiełTA ŭ pres-słužbie kiraŭnika dziaržavy.
Jak čakajecca, biełaruski lidar 8—9 lipienia voźmie ŭdzieł u mierapryjemstvach, źviazanych z praviadzieńniem sustreč na najvyšejšym uzroŭni miždziaržaŭnaha abjadnańnia BRIKS i ŠAS.
Płanujecca, što Alaksandr Łukašenka voźmie ŭdzieł u sustrečy kiraŭnikoŭ krain, jakija ŭvachodziać u BRIKS, ź lidarami zaprošanych dziaržaŭ dla abmierkavańnia najbolš aktualnych pytańniaŭ suśvietnaj palityki, ekanomiki, finansavaj śfiery.
Łukašenka taksama praviadzie šerah dvuchbakovych sustreč.
***
ŠAS — rehijanalnaja mižnarodnaja arhanizacyja, zasnavanaja ŭ 2001 hodzie Kitajem, Rasijaj, Kazachstanam, Tadžykistanam, Kyrhyzstanam i Uźbiekistanam. Za vyklučeńniem Uźbiekistana ŭsie hetyja krainy źjaŭlalisia ŭdzielnicami «Šanchajskaj piaciorki», zasnavanaj u vyniku padpisańnia ŭ 1996-1997 hadach pahadnieńniaŭ ab umacavańni davieru ŭ vajskovaj vobłaści i ab uzajemnym skaračeńni ŭzbrojenych sił u rajonie miažy.
BRIKS — hrupa ź piaci bujnych krain: Brazilija, Rasija, Indyja, Kitaj, Paŭdniova-Afrykanskaja Respublika.