U Minsku ŭ adnym pamiaškańni pracujuć vizavyja centry Litvy, Ispanii, Hrecyi, Vienhryi, Charvatyi i Danii dy inš.
Vyniki tenderu na akazańnie pasłuh vizavych centraŭ Biełarusi ŭ Polščy buduć abvieščanyja ŭ žniŭni.
Pra heta paviedamiła pres-sakratar pasolstva Polščy ŭ Minsku Hanna Derska.
Pryjom zajavak na akazańnie pasłuh vizavych centraŭ Biełarusi ŭ Polščy zaviaršyŭsia 19 červienia. Ciapier razhladajucca zajaŭki 14 pretendentaŭ. Jak čakajecca, kančatkovaje rašeńnie pa vynikach tenderu budzie abvieščana 19 žniŭnia. Paśla hetaha ŭ inšych kampanij budzie dva tydni, kab asprečyć hetaje rašeńnie. Dalej budzie padpisana damova i možna budzie kazać ab kankretnych terminach adkryćcia ŭ Biełarusi vizavych centraŭ, adznačyła Hanna Derska.
Vizavyja centry Polščy adkryjucca ŭ Minsku, Breście, Hrodnie, Homieli, Mahilovie, Pinsku, Baranavičach i Lidzie.
U ich pavinna znachodzicca jak minimum 42 akny dla pryjomu dakumientaŭ na vizy i 20 miescaŭ dla zboru bijamietryčnych dadzienych zajaŭnika.
Z 23 červienia biełarusy dla atrymańnia šenhienskaj vizy padajuć bijamietryčnyja źviestki — adbitki ŭsich palcaŭ ruk i ličbavuju fatahrafiju. Vizavyja centry buduć abstalavany nieabchodnym dla hetaha abstalavańniem.
Miarkujecca, što centry zmohuć štohod prymać 290 tys. Chadajnictvaŭ na atrymańnie viz, u tym liku centr u Minsku - 80 tys. Zajaŭki možna budzie padavać z paniadziełka pa piatnicu (akramia dziaržaŭnych śviataŭ) z 9.00 da 17.00.
Rašeńnie ab vydačy vizy budzie prymacca na praciahu dziesiaci rabočych dzion. Pry nieabchodnaści razhlad dakumientaŭ moža być padoŭžanaje da 30 dzion.
