Rasija nakłała vieta na rezalucyju Rady Biaśpieki AAN ab asudžeńni raźni ŭ juhasłaŭskim horadzie Srebranica ŭ 1995 hodzie.
Vialikabrytanija ŭniesła na razhlad hetuju rezalucyju, niahledziačy na pratest Rasii i Kitaja.
Paśla pasiadžeńnia Rady Biaśpieki pastajanny pradstaŭnik RF pry AAN Vital Čurkin zajaviŭ, što pryniaccie prajekta rezalucyi pa Srebranicy abvastryła b situacyju na Bałkanach.
Raniej baśnijskija sierby źviarnulisia z prośbaj da Rasii nakłaści vieta na pryniaccie hetaj rezalucyi.
U pačatku leta 1995 sierbski hienierał Ratka Mładzič pačaŭ bujnamaštabnaje nastupleńnie na Srebranicu. 11 lipienia horad paŭ. Pavodle acenak Mižnarodnaha suda AAN, paśla zachopu horada byli zabityja kala 8 tysiač musulman.
