U adkaz na zaprašeńnie rasijskaha pasła naviedać Krym mer Vilni Remihijus Šymašus skazaŭ, što naviedaje Krym tolki pa zaprašeńni Ukrainy.
Remihius Šymašus padčas adkryćcia pomnika Džonu Lenanu ŭ Vilni ŭ mai 2015 h, fota Delfi.lt
Mer skazaŭ BNS, što takaja razmova adbyłasia ŭ čas sustrečy z pasłom RF Alaksandram Udalcovym u staličnym samakiravańni ŭ aŭtorak.
«Miž inšym prahučała zaprašeńnie — ci byvali vy ŭ Krymie, zaprašaju naviedać i pahladzieć, ci ŭsio dobra. Ja razumieju, što ŭ im zakadavana i heta całkam dakładnaje pasłańnie. Takija rečy varta prymać vielmi surjozna», — skazaŭ mer BNS.
«Mnie zdajecca, było važna nahadać, što jon zusim nie maje racyi, zaprašajučy na akupavanuju terytoryju. U mianie byŭ adzin adkaz: ja z zadavalnieńniem jašče raz naviedaju Krym, ale kali atrymaju zaprašeńnie nie ad jaho, a ad pasła Ukrainy», — skazaŭ R. Šymašus.
«Jon skazaŭ, što, mahčyma, čakać pryjdziecca doŭha, ja adkazaŭ, što spadziajusia, što doŭha čakać nie daviadziecca, a kali daviadziecca — pačakaju», — pieradaŭ źmiest razmovy kiraŭnik litoŭskaj stalicy.
