U rasijskaj Ufie prachodzić samit BRIKS i ŠAS*, u jakim biare ŭdzieł i Alaksandr Łukašenka. Siońnia, 8 lipienia, adbyłasia jaho sustreča z kiraŭnikom Rasii Uładzimiram Pucinym.
kremlin.ru
Asnoŭnuju ŭvahu kiraŭniki dziaržaŭ udzialili dvuchbakovamu supracoŭnictvu ŭ handlova-ekanamičnaj i inviestycyjnaj śfierach, pašyreńniu kulturna-humanitarnych kantaktaŭ, uzajemadziejańniu ŭ ramkach Sajuznaj dziaržavy Rasii i Biełarusi, Mytnaha sajuza i Jeŭrazijskaha ekanamičnaha sajuza, paviedamlaje pres-słužba Kramla.
Łukašenka, u pryvatnaści, adznačyŭ, što «ciapier užo Siarhiej Viktaravič [Łaŭroŭ, šef rasijskaha MZS] nie budzie nas paprakać, što my aryjentavany ŭ adzin tolki bok — na Zachad. Ja žartuju, viadoma. My budziem svaje intaresy adstojvać i pradstaŭlać ahulnyja intaresy ŭ arhanizacyjach. Ja dziakuju Vam».
Pucin zreahavaŭ: «Nie tolki na zachad Rasijskaj Fiederacyi, ale i na inšyja rehijony».
Łukašenka papraviŭsia: «Heta dakładna — i Zaŭralle».
***
*ŠAS — rehijanalnaja mižnarodnaja arhanizacyja, zasnavanaja ŭ 2001 hodzie Kitajem, Rasijaj, Kazachstanam, Tadžykistanam, Kyrhyzstanam i Uźbiekistanam.
BRIKS — hrupa ź piaci bujnych krain: Brazilija, Rasija, Indyja, Kitaj, Paŭdniova-Afrykanskaja Respublika.
