Biełaruś atrymaje status naziralnika ŭ Šanchajskaj arhanizacyi supracoŭnictva (ŠAS). Takaja vysnova vynikaje z zajavy prezidenta Rasii Uładzimira Pucina na sustrečy z Alaksandram Łukašenkam va Ufie 8 lipienia.
«U suviazi z vašym pryjezdam va Ufu (na samity ŠAS i BRIKS) chacieŭ by pavinšavać vas z tym, što vyrašana zadača, jakuju vy stavili pierad Biełaruśsiu, i prasili padtrymać u vyrašeńni hetaj zadačy, — pavyšeńnie statusu Biełarusi ŭ Šanchajskaj arhanizacyi supracoŭnictva», — skazaŭ Pucin, słovy jakoha pryvodzić pres-słužba Kramla.
«Hetaje pytańnie možna ličyć vyrašanym, — adznačyŭ jon. — Biełaruś nabyvaje status naziralnika ŭ hetaj aŭtarytetnaj mižnarodnaj arhanizacyi, rola jakoj raście ŭ sučasnym śviecie. My ŭpeŭnieny ŭ tym, što vaš udzieł u pracy Šanchajskaj arhanizacyi supracoŭnictva pojdzie na karyść jak Biełarusi, tak i ŭsim udzielnikam hetaha pracesu».
Pucin adznačyŭ, što Biełaruś źjaŭlajecca samym blizkim stratehičnym partnioram i sajuźnikam Rasii. «My supracoŭničajem pa ŭsich kirunkach, pačynajučy ad vajennaha i zakančvajučy humanitarnymi śfierami, vyrašajem sacyjalnyja pytańni ŭ intaresach našych hramadzian, raźvivajem kaapieracyjnyja suviazi — i ŭ miežach Sajuznaj dziaržavy, i ŭ miežach Mytnaha sajuza, a ciapier i ŭ miežach Jeŭrazijskaha ekanamičnaha sajuza. U nas šmat vialikich, surjoznych płanaŭ», — zajaviŭ prezident.
