U listapadzie 2009 hoda Silvia Bierłuskoni naviedvaŭ Minsk

U listapadzie 2009 hoda Silvia Bierłuskoni naviedvaŭ Minsk

Sud Nieapala pryznaŭ byłoha premjer-ministra Italii Silvia Bierłuskoni vinavatym u podkupie sienataraŭ z metaj źmiaščeńnia ŭrada Ramana Prodzi i prysudziŭ da troch hadoŭ turmy. Pra heta ŭ sieradu, 8 lipienia, paviedamlaje hazieta La Stampa.

Sud taksama zabaraniŭ Bierłuskoni zajmać dziaržaŭnyja pasady na praciahu piaci hadoŭ. Inšy fihurant spravy, Valter Łavitoła, taksama atrymaŭ try hady turmy.

Advakat Bierłuskoni Nikoła Hiedyni nazvaŭ rašeńnie suda «vidavočna niespraviadlivym i nieabhruntavanym».

Jon padkreśliŭ, što termin iskavaj daŭnaści pa hetaj spravie skončycca 6 listapada — heta dazvolić byłomu premjeru paźbiehnuć źniavoleńnia.

Niahledziačy na chutkaje zakančeńnie terminu iskavaj daŭnaści, abarona Bierłuskoni maje namier asprečvać rašeńnie suda. Hiedyni vykazaŭ nadzieju, što Apielacyjny sud zdymie ź jaho abvinavačvańni.

Prakuratura prasiła prysudzić Bierłuskoni da piaci hadoŭ źniavoleńnia. Pa viersii viedamstva, u 2008 hodzie jon padkupiŭ niekalki sienataraŭ, kab damahčysia padzieńnia ŭrada Ramana Prodzi. Sam Prodzi, daviedaŭšysia pra rašeńnie suda, zajaviŭ, što da hetaha času dakładna nie viedaŭ, ci padkuplaŭ Bierłuskoni sienataraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?