Biełaruś nie zadavolena dynamikaj raźvićcia intehracyjnych pracesaŭ u Jeŭrazijskim ekanamičnym sajuzie (JEAES), zajaviŭ ministr zamiežnych spraŭ krainy Uładzimir Makiej u intervju telekanału «Rasija 24». 

Videaintervju apublikavanaje 9 lipienia na sajcie «Rasija 24». 

«Biełaruś nie vielmi zadavolena dynamikaj i prahresam hetych pracesaŭ u raźvićci JEAES, — skazaŭ Makiej. — Jak heta ni paradaksalna, my siońnia majem padzieńnie tavaraabarotu ŭ miežach JEAES. U Biełarusi idzie padzieńnie tavaraabarotu i z Rasijaj, i z Kazachstanam, i ź inšymi dziaržavami. Choć, naprykład, z Afrykaj i Azijaj u nas idzie rost tavaraabarotu».

Makiej taksama zaznačyŭ, što niekatoryja partniory Biełarusi pa JEEAS «taksama sadziejničajuć tamu, kab dynamika išła nie tymi tempami», jakija chacieli b mieć udzielniki sajuza.

U jakaści prykładu kiraŭnik MZS Biełarusi pryvioŭ Kazachstan, jaki «paskoranymi tempami» imkniecca da ŭstupleńnia ŭ Suśvietnuju handlovuju arhanizacyju, što pryviało da źnižeńnia mytnaj abarony. Heta, pavodle słoŭ Makieja, robić mahčymym dla Kazachstana mieć «bolš libieralnyja režymy handlu z šeraham krain SHA ŭ paraŭnańni ź dziaržavami — partniorami pa JEEAS».

Makiej paviedamiŭ, što Biełaruś budzie ŭźnimać heta pytańnie ŭ miežach Jeŭrazijskaj ekanamičnaj kamisii. «My, biełaruski bok, zacikaŭlenyja ŭ tym, kab intehracyjnyja pracesy ŭ miežach JEEAS raźvivalisia vielmi dynamična, chutka i kab jany byli ŭzajemavyhadnymi dla ŭsich dziaržaŭ», — skazaŭ ministr zamiežnych spraŭ Biełarusi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?