NGC 660. Fota: Gemini Observatory/AURA

NGC 660. Fota: Gemini Observatory/AURA

U hałaktycy NGC 660 u suzorji Ryb, što ŭ 45 młn śvietłavych hod ad nas, prabudziłasia zvyšmasiŭnaja čornaja dzira masaj u 20 młn Soncaŭ, paviedamlaje Brytanskaje karaleŭskaje astranamičnaje tavarystva.

U 2012 hodzie astranomy pabačyli, jak jaskravaść zazvyčaj cichaj hałaktyki rezka padskočyła ŭ sotni raz. Try hady nazirańniaŭ pakazali, što ŭ jaje centry zvyšmasiŭnaja čornaja dzira prabudziłasia, pačała pahłynać rečyva i vyploŭvać jaho častku praz džety.

Nastolki rezkaja źmiena jaskravaści ŭ bačnym i renthienaŭskim dyjapazonach ciaham niekalkich miesiacaŭ dla zvyčajnych hałaktyk nieŭłaścivaja — heta značyła by, što adnačasova zapalvajucca ci hasnuć miljony zorak.

Astranomy pačali nazirać za niezvyčajnym fienomienam i zrazumieli, što stali śviedkami ŭnikalnaj i raniej nie naziranaj źjavy — prabudžeńnia zvyšmasiŭnaj čornaj dziry ŭ centry hałaktyki. Dzira vielmi aktyŭna pahłynaje zorki, haz i pył, častka rečyva vylataje strumieniami (džetami) z chutkaściu kala 10% chutkaści śviatła.

Dalejšyja nazirańni pakažuć nie tolki evalucyju čornych dzir, ale i šlach džetaŭ dy siły, što paŭpłyvajuć na ich trajektoryju.

Čytajcie taksama: U Mlečnym Šlachu razvarušyłasia čornaja dzira

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?