Apostalskaja Nuncyjatura ŭ Respublicy Biełaruś paviedamlaje, što Jaho Śviataść Papa Francišak u ramkach pieryjadyčnych pierastanovak, praduhledžanych dla dypłamatyčnaha piersanała Śviatoha Pasadu, skiravaŭ šanoŭnaha mansieńjora Filipa Čampanieli, da hetaha času sakratara Apostalskaj Nuncyjatury ŭ Respublicy Biełaruś, na słužbu ŭ Dziaržaŭny Sakrataryjat Jaho Śviataści i pryznačyŭ šanoŭnaha mansieńjora Marynka Antałoviča sakratarom Apostalskaj Nuncyjatury ŭ Respublicy Biełaruś.

Apostalski Nuncyj vyražaje šanoŭnamu mansieńjoru Filipa Čampanieli ščyruju padziaku za samaaddanuju słužbu ŭ Biełarusi, prasiaknutuju ducham addanaści Śviatomu Pasadu i lubovi da Katalickaha Kaścioła, i žadaje pośpiechaŭ na novaj pasadzie, piša catholic.by.

Apostalski Nuncyj ščyra vitaje mansieńjora Marynka Antałoviča ŭ Biełarusi i žadaje plonnaj pracy ŭ dypłamatyčnym pradstaŭnictvie Śviatoha Pasadu ŭ Respublicy Biełaruś.

Mansieńjor Marynka Antałovič (Marinko Antolović) naradziŭsia 27 studzienia 1976 h. u h. Zenicy (Bośnija i Hiercahavina). U 2008 h. atrymaŭ stupień doktara biblijnaj teałohii ŭ Papskim univiersitecie Urbaniana ŭ Rymie. U 2008-2011 hadach vykonvaŭ abaviazki sakratara Apostalskaj Nuncyjatury ŭ Novaj Ziełandyi; ŭ 2011—2015 hadach zajmaŭ pasadu sakratara Pastajannaha Pradstaŭnictva Śviatoha Pasadu pry mižnarodnych arhanizacyjach u Vienie.

Клас
Панылы сорам
Ха-ха
Ого
Сумна
Абуральна