Pamiežnaja achova Finlandyi zajaviła pra parušeńnie samalotam VPS Rasii pavietranaj prastory krainy.

Pavodle dadzienych finskich pamiežnikaŭ, 26 červienia transpartny samalot Ił-76 znachodziŭsia ŭ pavietranaj prastory Finlandyi 53 siekundy i pralacieŭ uhłyb terytoryi na 1,15 kiłamietra.

Jak adznačajecca, ekipaž samalota, jaki nakiroŭvaŭsia z Rasii na zachad, na sihnały dyśpietčaraŭ i prośby pakinuć finskuju terytoryju nie adhuknuŭsia. Na apaznańnie samalota byŭ uźniaty źniščalnik VPS Finlandyi.

Letaś Finlandyja piać razoŭ zajaŭlała pra parušeńnie svajoj pavietranaj prastory samalotami rasijskich VPS. Ministerstva abarony Rasii nieadnarazova admaŭlała abvinavačvańni ŭ parušeńni miežaŭ zamiežnych dziaržaŭ rasijskimi vajennymi samalotami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?