Navučenka ahrarna-ekanamičnaha kaledža z Navapolla zatrymanaja pa padazreńni ŭ niezakonnym raspaŭsiudzie psichatropnych rečyvaŭ.

Aficyjny pradstaŭnik Śledčaha kamiteta pa Minskaj vobłaści Taćciana Biełanoh paviedamiła, što zatrymańniu niepaŭnaletniaj narkahandlarki papiaredničała śledčaja i apieratyŭna-vyšukovaja praca.

Šukać jaje pačali paśla taho, jak u balnicu ŭ ciažkim stanie pastupiŭ navučeniec nazvanaha kaledža. Jon mieŭ prykmiety atručvańnia nieviadomym psichatropnym rečyvam. Jak stała paźniej viadoma śledčym, padletak užyvaŭ kurylnuju sumieś, jakuju nabyŭ u svajoj 15-hadovaj adnakurśnicy.

U pracesie rasśledavańnia pravaachoŭniki atrymali dokazy taho, što niepaŭnahadovaja žycharka Minskaha rajona handlavała kurylnaj sumieśsiu, jakaja źmiaščaje asabliva niebiaśpiečnaje psichatropnaje rečyva MBA (N)–CHM. Rečyva jana pradavała ŭ tym liku svaim adnahodkam.

Niepaŭnahadovaja narkahandlarka ŭžo źmieščanaja ŭ izalatar, suprać jaje pačali kryminalnuju spravu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?