Źnikłaja ŭ kancy červienia maładaja mahilaŭčanka znojdzienaja paviešanaj u lesie niepadalok ad aŭtadarohi sa Škłova ŭ Mahiloŭ.

Pra heta paviedamili ŭ adździaleńni infarmacyi i hramadskich suviaziej UUS abłvykankama.

Pa słovach načalnika ŭpraŭleńnia kryminalnaha vyšuku UUS abłvykankama Michaiła Hahijeva, 5 lipienia ŭ Kastryčnicki RAUS Mahilova pa dapamohu va ŭstalavańni miescaznachodžańnia dački źviarnułasia maci.

Jana raspaviała, što dačka źjechała 26 červienia ŭ Škłoŭ da siabroŭki, a 29 červienia raźvitałasia ź joj i mieła namier viarnucca ŭ Mahiloŭ. Paśla hetaha suviaź ź joj była zhublena, a mabilny numar znachodziŭsia pa-za zonaj dostupu.

U chodzie praviedzienych apieratyŭna-vyšukovych mierapryjemstvaŭ supracoŭnikami kryminalnaha vyšuku Kastryčnickaha i Škłoŭskaha RAUS, UUR UUS było ŭstalavana i apytana koła svajakoŭ i znajomych dziaŭčyny, praviedzieny ahlad pa miescy žycharstva. Jana była pravierana pa ŭlikach ustanoŭ achovy zdaroŭja i biuro rehistracyi niaščasnych vypadkaŭ UUS. Na vyšuk mahilaŭčanki byŭ aryjentavany Škłoŭski RAUS, a taksama terytaryjalnyja AUS Mahiloŭskaj vobłaści.

Viečaram 8 lipienia mužčyna vypadkova znajšoŭ dziaŭčynu paviešanaj na drevie ŭ lesapasadcy. Pra heta jon paviedamiŭ pa telefonie 102.

Pa fakcie śmierci 28-hadovaj mahilaŭčanki Škłoŭskim rajonnym adździełam Śledčaha kamiteta pravodzicca pravierka, padčas jakoj buduć vyvučany i ŭstanoŭleny abstaviny i pryčyny vypadku, praviedzieny šerah ekśpiertyz, u tym liku sudova-miedycynskaja. Pa vynikach budzie pryniata pracesualnaje rašeńnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?