Pres-słužba Kiensinhtonskaha pałaca raspaŭsiudziła čatyry aficyjnyja fatahrafii z cyrymonii chryščeńnia pryncesy Šarłoty.

Na adnym sa zdymkaŭ znakamitaha fatohrafa Maryjo Teścina junaja pryncesa sfatahrafavanaja razam z maci i baćkam, hiercaham i hiercahiniaj kiembrydžskaj, i starejšym bratam Džordžam.

Zdymki byli zroblenyja adrazu paśla taho, jak u karaleŭskim majontku Sandrynhiem adbyŭsia abrad chryščeńnia pryncesy Šarłoty, jakaja zajmaje čaćviortaje miesca ŭ śpisie spadčyńnikaŭ karony.

Siarod fatahrafij jość i hrupavy zdymak najbližejšych svajakoŭ pryncesy. Jon byŭ zrobleny ŭ haścinaj pryvatnaj karaleŭskaj rezidencyi ŭ Norfałku, kudy siamja prynca Uiljama pierabrałasia z Łondana paśla naradžeńnia Šarłoty.

U niadzielu tysiačy ludziej pryjechali ŭ majontak, kab pavitać členaŭ karaleŭskaj siamji pierad cyrymonijaj chryščeńnia ŭ carkvie śviatoj Maryi Mahdaliny.

Na cyrymonii prysutničali baćki hiercahini Kiembrydžskaj i členy karaleŭskaj siamji, uklučajučy karalevu Vialikabrytanii Lizavietu II.

Pryncesu Šarłotu chryścili vadoj z raki Ijardan. Jana była apranutaja ŭ dakładna takuju ž kašulu, jak i dačka karalevy Viktoryi ŭ 1841 hodzie. Chryščeńnie pravioŭ arcybiskup Kienterbieryjski Džaścin Uełbi, dla šyrokaj publiki mierapryjemstva było zakrytym.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?