Dvoje minčukoŭ raźmiaścili ŭ internecie videarolik, źniaty padčas pajezdki pa Brasłaŭskim i Miorskim rajonach. Ad pryhažości biełaruskich azior, jakuju ŭdałosia pieradać aŭtaram, prosta zachoplivaje duch.

Aŭtary rolika — minčuki Dźmitryj Važnik i Viačasłaŭ Mazaj. Kažuć, što rychtujuć vialikaje videa pra samyja pryhožyja miescy Biełarusi, u jaho paźniej uklučać i hety siužet pra Brasłaŭskija aziory. Prajekt niekamiercyjny — zdymajuć u svajo zadavalnieńnie.

«Atrymlivajecca, što nami źniata ŭžo davoli šmat pa śviecie, a mnohija miescy Biełarusi dahetul zastajucca biełymi plamami. Chaciełasia b jašče pazdymać na Paleśsi, u Biełaviežskaj puščy, u Biarezinskim zapaviedniku, pa abłasnych haradach prajechacca», — raspavioŭ adzin z aŭtaraŭ videa Dźmitryj Važnik.

U zdymkach zadziejničali masu roznaha abstalavańnia. Naprykład, dla frahmientaŭ u režymie timelaps — fotaaparat Canon 5D Mark3 i custom-madel mataryzavanaha słajdera.

«Kadry z pavietra byli źniatyja na dronie DJI Inspire. Hetaja madel dazvalaje zdymać videa ŭ razroźnieńni 4K z adnačasovaj tranślacyjaj HD-sihnału na ziamlu», — padzialiŭsia techničnym bokam pytańnia Viačasłaŭ Mazaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?